Qendra e Koordinimit Kundër Ekstremizmit të Dhunshëm dha kontributin e saj në seminarin  me temë “Vlerësimi i riskut dhe zvogëlimi i tij”, një aktivitet që u organizua nga Fondi Global i Angazhimit dhe Qëndrueshmërisë së Komunitetit (GCERF), për rritjen e kapaciteteve të organizatave të shoqërisë civile që zhvillojnë aktivitetet e tyre në bashkëpunim me Qendrën CVE në fushën e parandalimit të ekstremizmit të dhunshëm.

Qëllimi kryesor i këtij aktivitetit ishte rritja e kapaciteteve të organizatave përfituese të granteve nga GCERF, mbi kuptimin e vlerësimit dhe zbutjes së riskut në kontekstin e projekteve që janë duke realizuar në Shqipëri dhe në rajon.

Pjesëmarrës në këtë aktivitet ishin organizata jo-fitimprurëse nga Shqipëria, Kosova, si dhe Maqedonia e Veriut, të cilat jane duke zbatuar projekte të financuara nga GCERF.