Qendra e Koordinimit kundër Ekstremizmit të Dhunshëm kontribuoi në Side Event me temë: “Roli i qyteteve në avancimin e përpjekjeve globale për të parandaluar dhe luftuar ekstremizmin e dhunshëm”, që u organizua nga Rrjeti i Qyteteve të Forta, Strong Cities Network, dhe u zhvillua në kuadër të Asamblesë së Përgjithshme të OKB-së.
Gjatë zhvillimit të webinar-it u pasqyruan arritjet e Qeverisë Shqiptare dhe Qendrës CVE në fuqizimin e institucioneve vendore për kundërshtimin dhe parandalimin e fenomenit të ekstremizmit të dhunshëm dhe radikalizmit në nivel vendor. Në këtë nivel përfshihet edhe roli i Bashkive në zbatimin e programeve të rehabilitimit dhe ri-integrimit të shtetasve të kthyer nga zonat e konfliktit në Siri dhe Irak.