Qendra e Koordinimit kundër Ekstremizmit të Dhunshëm në kuadër të Planit Kombëtar të Veprimit CVE, përgjatë muajit nëntor, zhvilloi takime informuese dhe ndërgjegjësuese me bashkitë e qarkut të Gjirokastrës, konkretisht në bashkitë e Tepelenës, Memaliaj, Përmet,,Këlcyrë, Gjirokastër, Libohovë, Dropull.

Në fokus të takimeve ishin çështje të parandalimit dhe kundërshtimit të ekstremizmit të dhunshëm, parë nga këndvështrimi i ndërhyrjeve ndërinstitucionale me qëllim një qasje gjithëpërfshirëse të shoqërisë. Këto takime, të koordinuara në nivel vendor nga bashkitë, prefekturat apo zyrat vendore arsimore, bashkuan punonjësit e vijës së pare në  nivel vendor, mësuesit koordinatorë për ndjekjen e planit të veprimit në shkolla, oficerët e sigurisë nëpër shkolla, psikologët dhe punonjësit socialë të shkollave, punonjësit e burgjeve, punonjësit e shërbimit të provës etj.