Drejtori i Qendrës së Koordinimit Kundër Ekstremizmit të Dhunshëm, znj. Lejdi Dervishi u takua me Komisionerin për Mbrojtjen nga Diskriminimi, z. Robert Gajda. Qëllimi i takimit ishte diskutimi mbi bashkëpunimin e mundshëm për fusha me interes të përbashkët, duke përforcuar kështu përpjekjet në drejtim të parandalimit të ekstremizmit të dhunshëm në vendin tonë. Gjatë takimit, drejtori i Qendrës CVE parashtroi nevojën e angazhimit të të dy institucioneve në drejtim të paraqitjes së duhur të informacioneve sensitive për publikun nga media të caktuara.