Qendra e Koordinimit kundër Ekstremizmit të Dhunshëm kontribuoi në Konferencën e Gjashtë Koordinuese Rajonale të Sigurisë “Rritja e bashkëpunimit rajonal të sigurisë: një shtyllë e rrugës evropiane të Ballkanit Perëndimor”. Konferenca e nivelit të lartë u organizua nga Këshilli Rajonal i Bashkëpunimit në bashkëpunim me Ministrinë Franceze për Evropën dhe Punët e Jashtme dhe Institutin Francez për Studimet e Larta të Mbrojtjes Kombëtare.

Në punimet e kësaj konference morën pjesë përfaqësues të vendeve të Ballkanit Perëndimor dhe  u diskutua bashkëpunimi për siguri rajonale, fenomenet e radikalizmit dhe ekstremizmit të dhunshëm, prurjet e migracionit të paligjshëm si dhe krimi i organizuar dhe trafikimi.

Drejtori i Qendrës CVE, znj. Lejdi Dervishi, prezantoi arritjet dhe gjendjen aktuale lidhur me këtë fenomen në Shqipëri, si dhe theksoi se sa i rëndësishëm është bashkëpunimi ndër-institucional.

Gjatë konferencës u vendos, gjithashtu, në dukje modeli i praktikës së mirë që është krijuar nga Shqipëria për kundërshtimin e këtij fenomeni, si dhe ndikimin që kjo ka pasur edhe në vendet e tjera në rajon si një influencë pozitive dhe e sukseshme.