Qendra e Koordinimit kundër Ekstremizmit të Dhunshëm me cilësinë e të ftuarës mori pjesë në “Conference Hall, Religions, Freedoms and Democracy” në Universitetin Bedër.
Gjatë konferencës, akademikë, përfaqësues të ambasadës amerikane dhe përfaqësues të komuniteteve fetare ndanë pikëpamjen e tyre rreth bazave religjoze dhe filozofike të tolerancës dhe lirisë së besimit dhe demokracisë. Pjesë e diskutimeve ishin edhe zgjidhjet gjyqësore dhe politike në lidhje me konfliktet e krijuara midis lirisë së besimit dhe të drejtave të tjera njerëzore, në nivel kombëtar dhe ndërkombëtar, duke i trajtuar me shembuj konkretë me të gjithë studentët e rajonit.
Qendra e Koordinimit Kundër Ekstremizmit të Dhunshëm dha opinionet, gjetjet, konkluzionet dhe rekomandimet e shprehura mbi lirinë e besimit, si dhe parandalimit të fenomenit të ekstremizmit të dhunshëm përmes arsimit që është hallkë e një rëndësie të vecantë.
Ky projekt realizohet me mbështetjen financiare të zyrës së marrëdhënieve me publikun të ambasadës amerikane në Tiranë.