Qendra e Koordinimit Kundër Ekstremizmit të Dhunshëm organizoi një forum me studentët dhe pedagogët e Universitetit Aleksandër Moisiu, Durrës në kuadër të projektit “Universitetet- Fronti i ri i angazhimit CVE”.

Ky forum pati si qëllim prezantimin e koncepteve bazë të CVE-së dhe të Strategjisë Kombëtare për Luftën Kundër Ekstremizmit të Dhunshëm. Gjithashtu, forumi synoi edhe shtrirjen e fokusit tek ndërhyrjet në universitete dhe tek eksplorimi i mundësive që tematika dhe aktivitete të CVE-së të përfshihen në programet e UAMD-së.

Qendra CVE e organizoi forumin në bashkëpunim me Institutin e Studimeve Ndërkombëtare.