Qendra e Koordinimit Kundër Ekstremizmit organizoi një forum me studentët dhe pedagogët e Fakultetit të Shkencave Humane dhe Drejtësisë në Universitetin “Ismail Qemali” në Vlorë, në bashkëpunim me Institutin e Studimeve Ndërkombëtare.
Gjatë këtij forumi, që u realizua në kuadër të projektit: “Universitetet- Fronti i ri i angazhimit CVE”, me mbështetjen e Ambasadës së Shteteve të Bashkuara të Amerikës në Tiranë u prezantuan qëllimet e projektit, konceptet bazë të Qendrës së Koordinimit Kundër Ekstremizmit, si dhe objektivat e Strategjisë kundër Ekstremizmit të Dhunshëm në Shqipëri.
Në forum u diskutua edhe për eksplorimin e mundësive që tematika dhe aktivitete të Qendrës CVE të përfshihen në kurrikulumet dhe programet e këtij universiteti.