Qendra e Koordinimit kundër Ekstremizmit të Dhunshëm ka përshëndetur trajnimin me temë “Instituti për Gratë dhe Vajzat në Politikat e Sigurisë Kombëtare dhe Ndërkombëtare II”, që u organizua nga Qendra e Studimit të Politikave Evropiane për Zhvillimin Rajonal dhe Lokal (CRLDS Albania), me mbështetjen financiare të Ambasadës së SHBA-ve në Tiranë.
Qendra CVE prezantoi rolin dhe misionin e saj institucional në kuadër të zbatimit të Strategjisë Kombëtare, duke theksuar rolin e integrimit të grave në institucione të sigurisë në kuadër të krijimit të politikave, masave dhe aktiviteteve për të luftuar fenomenin e ekstremizmit të dhunshëm.