Qendra e Koordinimit Kundër Ekstremizmit të Dhunshëm zhvilloi një takim me ekspertët e jashtëm psikologë qe ndjekin shtetasit e rikthyer  pranë Qendrës Pritëse, të cilët mbështeten nga programet e partnerëve strategjikë të BE-së dhe SHBA-ve, të zbatuar nga IOM, TDH dhe Linja e Këshillimit për Gra dhe Vajza (GCERF).

Psikologët ekspertë ndjekin rastet e shtetasve të riatdhesuar në fazën e tretë. Takimi u realizua pranë ambjenteve të Qendrës CVE.

Në fokus të këtij takimi ishte përditësimi i situatës, mbi progresin e këtyre shtetasve nga pikëpamja e trajtimit psikologjik, që nga momenti kur janë riatdhesuar. Në kuadër të misionit të saj koordinues, Qendra e Koordinimit Kundër Ekstremizmit të Dhunshëm monitoron dhe ndjek përditësimin e situatës në këndvështrimin psikologjik të këtyre shtetasve me synimin kryesor, realizimin sa më efektiv të procesit të rehabilitimit të tyre dhe më pas të ri-integrimit të plotë në komunitet.