Qendra e Koordinimit Kundër Ekstremizmit të Dhunshëm ka koordinuar dhe zhvilluar një cikël trajnimesh, së bashku me Ministrinë e Arsimit dhe Sportit, të mbështetur nga Linja e Këshillimit për Gra dhe Vajza, nëpërmjet grantit të GCERF (Fondi Global i Angazhimit dhe Reziliencës në Komunitet). Në sesionin e fundit janë trajnuar mësuesit , që kanë mirëpritur në shkollat e tyre fëmijë të kthyer nga zonat e konfliktit, të cilët janë ri-integruar në shkollat respektive.
Gjatë trajnimit u përcoll informacioni i nevojshëm në lidhje me qasjen që duhet përdorur me këtë kategori fëmijësh duke theksuar bazën ligjore, punën individuale, qasjen psikologjike, si dhe mënyrat e bashkëpunimit me struktura të pushtetit vendor të angazhuara në procesin e ri-integrimit.